լուսանկարներ

Մայիսի 9-ը Ծավի հուշարձանում 2016-2017ուս. տարի

2019թ հոկտեմբերի 22-ին «Էկոկրթության իրականացումը և էկոանկյունների հիմնումը Կապան և Քաջարան համայնքների դպրոցներում» ծրագրի շրջանակում Ծավի միջնակարգ դպրոցում տեղի ունեցավ էկոարահետի և «ԾՄԱԿ» էկոսրճարանի հանդիսավոր բացումը:Հետաքրքիր էր սրճարանում մատուցվող ծառայությունների ցանկը՝ պատվիրատուն կարող էր վճարում կատարել նաև բնամթերքով:Հետաքրքիր և տպավորիչ էր ձևավորված սրճարան-թեյարանի տարածը, որը իրապես արտահայտում էր տեղանքի էկոմիջավայրը: Սովորողները բովանդակալից բեմականացմամբ ներկայացրին գյուղի տատիկների առօրյան՝ «Տատիկները սրճարանում» խորագրով: Կազմակերպել էին տեղական արտադրության՝ մուրաբաների, մրգերի, բանջարեղենների, դեղաբույսերի, անգամ տնական հայկական գաթաների ցուցադրություն:Միջոցառման ավարտին հյուրերը համտեսեցի «ԾՄԱԿ» էկոսրճարանի բարքները և անզուգական սարի թեյը:
Ծանոթացան բնագիտության դասասենյակում կազմակերպված ցուցադրությանը, որը հարստացել էր ծրագրի շրջանակներում ձեռք բերված գրականությամբ:
Շնորհակալություն դպրոցի տնօրեն Յուրա Մարտիրոսյանին, դպրոցի անձնակազմին և աշակերտությանը պատասխանատու և նվիրված աշխատանքի համար:
Ծրագիրն իրականացվում է «Պահպանվող Տարածքների Աջակցման Ծրագիր-Հայաստան» ծրագրի «Փոքր դրամաշնորհային բաղադրիչի» շրջանակներում։ Ծրագրի գործադիր մարմինը Շրջակա միջավայրի նախարարությունն է։